|
|
| ფ |
|
| ფარმაკოუსაფრთხოება |
ფარმაცევტული პროდუქტების სახიფათო მოქმედების აღმოჩენის, შეფასების, გაანალიზების
და თავიდან აცილებისაკენ მიმართული სამეცნიერო და პრაქტიკული ღონისძიებები /WHO, 2002/. |
| ფიბრომიალგია |
გაჭიანურებული და გავრცობილი ტკივილის სინდრომი, რომელსაც თან სდევს: კუნთების
დაჭიმულობა, დაღლილობა, წყვეტილი ძილი ან გამოუძინებლობა, კოგნიტიური შეფერხებები.
ხშირია: შფოთვა და/ან დეპრესია, ყოფითი აქტივობის შეზღუდვა. გავრცელებულია ახალგაზრდა
და საშუალო ასაკის ქალებში. |
| ფიზიკური დამოკიდებულება |
სხეულის ჩვეულებრივი პასუხი მთელი რიგი კლასის მედიკამენტების ხანგრძლივი მიღების
საპასუხოდ. მაგ.: ß-ბლოკერები, α-2 ადრენერგულები, სტეროიდები, ოპიოიდები. |
| ფონოფობია |
[ბერძნ. “ფონოს” phonos - ხმა, ბგერა; “ფობოს” phóbos - შიში] ხმაურის, ძლიერი ბგერის, ხმის
აუტანლობა. ხმაური შემაწუხებელია ჰიპერაკუზიის (მომატებული სმენადობა) დროსაც.
ფონოფობია შაკიკის ტიპური თავის ტკივილის, ხოლო ჰიპერაკუზია - ბაზილური ტიპის
შაკიკისთვისაა დამახასიათებელი. |
| ფოტოფობია |
[ბერძნ. phōs (phōtos) - სინათლე] მკვეთრი სინათლის აუტანლობა. დამახასიათებელია შაკიკის
ტიპური თავის ტკივილისთვის. |
| ტოლერანტულობა |
ფიზიოლოგიური ”მიჩვევის” მდგომარეობაა. პრეპარატის ხანგრძლივი მიღებისას მცირდება
ეფექტურობა და/ან ისეთივე ეფექტის მისაღებად საჭირო ხდება დოზის განუხრელი მატება. |
– [] - კვადრატულ ფრჩხილებში მოცემულია გავრცელებული სინონიმები,
ინგლისური შესატყვისები ან სამედიცინო ჟარგონები.
– {} - ფიგურულ ფრჩხილებში მოცემულია ტერმინის ეტიმოლოგიური საფუძველი.
– // - დახრილ ფრჩხილებში მოცემულია ტერმინის ავტორი ან ლიტერატურული წყარო.
|
