მცირე დოზა - ხანმოკლე დროით!

არასტეროიდების ურთიერთქმედება სხვა პრეპარატებთან

      გიორგი გეგელაშვილი

არასტეროიდებს სხვა პრეპარატებთან ურთიერთქმედების მაღალი რისკი გააჩნიათ. ურთიერთქმედების მიზეზები ყოველ კონკრეტულ შემთხვევაში სხვადასხვაა.

არასტეროიდები მაღალი ხარისხით იბოჭებიან პლაზმის პროტეინებით, შესაბამისად მათ შესწევთ უნარი ”დაიკავონ” პროტეინები და ”შეავიწროვონ ” ასეთივე აფინიტეტის მქონე ანტიდიაბეტური საშუალებები და ანტიკოაგულანტები. ”გამოძევებული” პრეპარატები ბრუნდებიან პლაზმაში ან ვერ უკავშირდებიან პროტეინებს და ჩვეულებრივზე მეტად აქვეითებენ გლუკოზის კონცენცენტრაციას და აქვეითებენ სისხლის შედედების უნარს.

სტეროიდებს ისევე მოქმედებენ კუჭ-ნაწლავის ლორწოვანზე, როგორც არასტეროიდები. მათი ერთდროული გამოყენებისას იზრდება როგორც პირდაპირი (ანთების საწინააღმდეგო) ეფექტი, ასევე, მატულობს გვერდითი მოვლენების განვითარების და გართულებების რისკიც.