ალკოჰოლი

ალკოჰოლით გამოწვეული თავის ტკივილი - 8.1.4 Alcohol-induced headache

გიორგი გეგელაშვილი

სურათზე: ლოტრეკის (Henri de Toulouse-Lautrec) მიერ შესრულებული მხატვარი ქალის
სუზან ვალადონის – Suzanne Valadon (Marie-Clémentine Valadon) პორტრეტი.

სუზან ვალადონი გახლდათ ცნობილი ფრანგი მხატვრის მორის უტრილოს (Maurice Utrillo) დედა.
ფოგარტის ხელოვნების მუზეუმი, ჰარვარდის უნივერსიტეტის ხელოვნების მუზეუმები.

თავის ტკივილის საერთაშორისო კლასიფიკაცია ICHD-II_8.1.4.1

სადიაგნოზო კრიტერიუმები

8.1.4.1 Immediate alcohol-induced headache

8.1.4. 1	ალკოჰოლით გამოწვეული დაუყოვნებელი თავის ტკივილი
A	თავის ტკივილი, რომელიც აკმაყოფილებს C-D კრიტერიუმებს და აქვს სულ მცირე, ერთი ქვემოთ ჩამოთვლილი მახასიათებელი:
	1.	ორმხრივობა
	2.	შუბლ-საფეთქლის მდებარეობა
	3.	მფეთქავი ხასიათი
	4.	აძლიერებს ფიზიკური დატვირთვა
B	ალკოჰოლური სასმელის მიღება
C	თავის ტკივილი ვითარდება ალკოჰოლური სასმელის მიღებიდან 3 საათის განმავლობაში
D	თავის ტკივილი იხსნება 72 საათში.

ძველი სინონიმი: კოქტეილის თავის ტკივილი – Cocktail headache

შენიშვნა:სასმელის რაოდენობა ინდივიდუალურია და კრიტერიუმებით განსაზღვრული არ არის.

კომენტარი: ალკოჰოლით გამოწვეული დაუყოვნებელი თავის ტკივილი უფრო იშვიათია დაყოვნებულთან (გადავადებულთან) შედარებით.

8.1.4.2 Delayed alcohol-induced headache

8.1.4. 2	ალკოჰოლით გამოწვეული დაყოვნებელი თავის ტკივილი
A	თავის ტკივილი, რომელიც აკმაყოფილებს C-D კრიტერიუმებს და აქვს სულ მცირე, ერთი ქვემოთ ჩამოთვლილი მახასიათებელი:
	1.	ორმხრივობა
	2.	შუბლ-საფეთქლის მდებარეობა
	3.	მფეთქავი ხასიათი
	4.	აძლიერებს ფიზიკური დატვირთვა
B	ზომიერი რაოდენობით ალკოჰოლური სასმელის მიღება შაკიკით დაავადებულ ადამიანებში ან ინტოქსიკაციური რაოდენობით ალკოჰოლური სასმელის მიღება შაკიკით არადაავადებულ ადამიანებში
C	თავის ტკივილი ვითარდება მას შემდეგ, რაც ალკოჰოლის შემცველობა სისხლში მკვეთრად ეცემა ან ნულს გაუტოლდება
D	თავის ტკივილი იხსნება 72 საათში.

ძველი სინონიმი: თავის ტკივილი ნაბახუსევზე – Hangover headache

შენიშვნა: სასმელის რაოდენობა ინდივიდუალურია და კრიტერიუმებით განსაზღვრული არ არის.

კომენტარები:

ალკოჰოლით გამოწვეული დაყოვნებული თავის ტკივილი ბევრად უფრო ხშირია დაუყოვნებელთან შედარებით.

ალკოჰოლით გამოწვეული დაყოვნებული თავის ტკივილი ერთერთი ყველაზე გავრცელებული თავის ტკივილია.

ალკოჰოლური სასმელების სხვა კომპონენტების როლი თავის ტკივილის განვითარების მექანიზმებში ჯერ-ჯერობით დაუდგენელია.

რა საერთო აქვთ ტოქსიკურ ზემოქმედებაზე დაყოვნებული პასუხის და ნატრიუმის ოქსიდით გამოწვეული დაყოვნებული თავის ტკივილის (delayed NO donor-induced headache) მექანიზმებს ერთმანეთთან – დაუდგენელია.

როგორი მიდრეკილება აქვთ თავის ტკივილისადმი ანამნეზში დადასტურებული და დაუდასტურებელი თავის ტკივილის მქონე ადამიანებს – დაუდგენელია.

შაკიკით დაავადებულ ადამიანებში შაკიკის შეტევა შეიძლება განვითარდეს ალკოჰოლური სასმელის ზომიერი რაოდენობით მიღების შემდეგ, მაშინ, როდესაც შაკიკით არადაავადებულ ადამიანებში თავის ტკივილის ვითარდება ალკოჰოლური სასმელის ინტოქსიკაციური რაოდენობით მიღების შემდეგ.